Tags

, , , , , , , , ,

Tanhaai ke tukde see-see kar,
yaadon ke dhaagon se,
maine khudko lapetney ko,
ek chaadar banaayi thi..

Tumne aakar,
galey se laga lagakar
kaha fenk do issey
taar-taar kar key !!
maine maan lia tumko,
tumhaari baaton aur
baahon mein garmaayi thi..

Ab tum achaanak se,
haath jo thama tha mera,
wo kuchh lafzon ke jhatkon mein,
rookhi baatein adhuri rakh ke,
mujhe deewana bataakar,
khud sayaane chale gaye,
banaa ke but mujhe,
bhugatne ko akele,
ye bichhadti raahen tthithurti si,
ye subakti raatien December ki..

Purvi on दिसम्बर 1, 2011

Advertisements